Latang Walang Laman

Paano ba maging bayani?

Dapat ba akong sumagip ng buhay kapalit nang sa akin? Kailangan ko bang sumulat ng mga nobela, tula, lathalain at maikling kwento tulad ng ginawa ni Dr. Jose Rizal? Kailangan ko bang bumuo ng grupo tulad ng 'Katipunan' para ipaglaban ang bayan?

Ano ba ang nasa isip ng ating mga bayani nang kasaysayan noong panahon nila? Hindi ba gusto nilang magkaroon ng kalayaan ang ating bayan? Hindi ba gusto nilang ibalik sa mga Pilipino ang kanilang mga karapatan?

Ngunit ano ba ang patutunguhan ng mga ito? - Ang kalayaan ng ating henerasyon.

Paliparan

Maraming beses na akong nakagamit ang ating airport lalo na ang bagong NAIA Terminal 3 at NAIA Terminal 2 dahil sa karamihan nang aking mga paglalakbay ay sa loob lamang nang ating bansa (domestic). Masasabi ko na maganda naman ang T3 natin na hindi natin ikakahiya. Ngunit sa unang beses kong dumaan at gumamit ng ating lumang terminal 1 ay sadyang nakakalungkot dahil sa ilang mga punto:

• Madumi ang CR, walang tubig at mapanghi
• Sira-sira ang mga ceiling
• Madumi ang mga floorings at tiles 
• Ang tagal at ang haba ng pila sa immigration, pero makakalusot ka rin naman kahit pa expired na passport mo.
• Kung local ka, alam mo kung  sino sa mga kasama mo o tao sa paligid mo ang magnanakaw o snatchers.
• Malaki ang singil sa terminal fee ngunit di kapansin-pansin ang mga improvements ng paliparan.
• Kung manggagaling ka naman sa ibang bansa, kapnsin-pansin ang mga taong gustong-gustong tumulong sa pagbubuhat ng gamit mo. Akala mo mababait ngunit pagkatapos tumulong ay naniningil. Pangmirienda lang daw. 
• Pati security guards na pagtatanungan mo naniningil din. Lalo't higit sa mga bisitang foreigner.
• Ang gulo nang Arrival area. Doon  tumatambay ang mga guards na akala mo tumutulong pero nangaabuso lang.
• Sa  Arrival area din, langhap mo na ang polusyon ng Metro Manila.

Marami man ang negatibo sa aking obserbasyon. May pag-asa pa rin ako para sa ating international airport terminals.

May international list din pala nang mga pinaka di-magandang airports at ang ating NAIA Terminal 1 ang nangunguna! Narito ang listahan sleepingairports.net 

Pinoy sa Labas ng Pinas

"Isang masakit na katotohanan: 

Ang PINOY pagwala sa PINAS ay may DISIPLINA..
Kung pwede ko lang ilipat ang buong PILIPINAS sa ibang bansa. "

-Kuya Keith


Kasya naman ang pinas sa Amerika di ba?

Sagwan at Apoy sa Bunganga ng Dragon!

Filipino Paddlers

Imahe mula sa..

Sagwan, sagwan pa.

Hanggang marating ang mga pangarap.

Sa dulo ay makikita ang liwanag.

Liwanag ng pagkakakilanlan.

Suporta sa kanila'y pinagkait.

Ngunit pagmamahal ang kanilang ipinalit.

Pagmamahal sa bayang parang walang malasakit.

Na sa kanila pa'y waring galit.