Saturday, September 10, 2011

HALAGA




Sa ika-limang Pasko mo ako’y nakamtan 
Mula sa kulambo sa ibabaw iniwan 
Si Santa daw ang nagbigay sabi ni Inay 
Ngunit si Itay pala ang sadyang nag-alay 


Nang buksan sa pagkabalot agad niyakap 
Walang katulad ang unang halik at yakap 
Sana’y mahalin at alagaan nang tunay 
Pangako ako ay sayo pang habang-buhay 


Sa mga kalaro ako’y pinakilala 
Pinakamagandang laruang ‘yong dinala 
Bigkas ng bata mula sa labi at laway 
Sa aking tabi ay tila ayaw mawalay 


Ngayong binata ka na, san ako pupunta? 
Ang dala-dala kong saya ay nalimot na 
Kung maaari ako’y sa bata ibigay 
Upang ibalik tunay na halagang alay


***

Tulang lahok para sa hamon nang Ikatlong Saranggola Blog Awards

9 comments:

  1. Good luck sa Saranggola Blog Awards. Ang ganda ng tula!

    Fickle Cattle
    ficklecattle.blogspot.com

    ReplyDelete
  2. walang tulak kabiging nageenjoy ako pagtula ang kompetisyon. marahil ito kasi ang forte ko at marahil ito ang tema ng pagsusulat na nakasanayan ko... ang galing din ng tula mong ginawa. isang pagpapatunay na lahat ng pilipino ay may aking pagiging makata...

    ReplyDelete
  3. Yey! Opisyal na akong kalahok sa kompetisyon. Meron sana akong isa pang likhang kwentong isasali sa kompetisyon. Di ko na lang itinuloy, ang tema kasi ay laruan pero ang kwento ko ay erotika. Mahirap nang maging masyadong malaya sa pagsulat. :) Maraming salamat po sa mga nagbasa.

    ReplyDelete
  4. Inaanyayahan ko po ang lahat na basahin ang iba pang mga likha sa aking blog. :)

    ReplyDelete
  5. beautiful poem... wheee..

    Goodluck sa SBA.

    akin na lang ang laruan? hehehe

    ReplyDelete

LinkWithin

Related Posts Plugin for WordPress, Blogger...