Wednesday, September 21, 2011

Pangalan ng Pinoy

Tin-tin, Bong-bong, Ken-ken, at Rap-rap. Ito ang ilan sa mga kakaibang palayaw ng Pinoy na inuulit-ulit.

Nakasanayan na yata kasi ng mga Pilipino ang magbigay ng kakaibang pangalan sa kanilang mga anak. May mga hinango sa pagkain, pangalan ng araw at buwan. Di natin maitatanggi ngunit marami ngang sikat na mga personalidad ang may kakaibang palayaw. Sa mga artista ay merong Tuesday, Sarsi, Chin-Chin. at Dingdong. Kung sa pulitiko naman ay merong Ping, Bingbong, Bongbong at huwag na din tayong lumayo pa, dahil ang presidente ng Pilipinas ay Noynoy.

Ang kakaibang ugaling ito nang mga Pilipino ay agad kong napansin nang gumawa ako ng listahan ng aking mga kaklase sa hayskul. Sa 50 na estudyante ay merong may mga pangalan/palayaw na April, May, June, Hershey, Ponkan, Ren-ren, Rap-rap, Mac-mac, Mai-mai,  Jing-jing, Bam-bam, Jun-jun at Pao-pao.

***

Kadalasan, bata pa lang ay nababansagan na nang kung ano-anong palayaw ang ating mga kabataan. Kakaiba man pero mukhang karaniwan lang ito sa mga magulang na Pinoy. Ang akin ngang palayaw ay Keno, kinuha yata sa  pagpusta nang aking mga magulang sa lottery.

Ikaw? Kakaiba rin ba ang iyong pangalan/palayaw? Sigurado akong marami ka ding kakilalang may kakaibang pangalan at palayaw.

2 comments:

  1. Hello Keno! Ako si Janno! Hahahaha! =)

    ReplyDelete
  2. Janno ka pala.. Kahit papaano normal pa rin pangalan mo, kaysa sa kaibigann kong si sunkist.

    ReplyDelete

LinkWithin

Related Posts Plugin for WordPress, Blogger...